Lan proposamena 4 DBH 1 eba

LAN PROPOSAMENA: 555 ZI TENPORIZADOREA .

Honako baldintzak bete behar ditu:

1. Proiektu osoa oinarri baten gainean egon behar du.

2. Dimentsioak: 20*30cm eta 25*35cm artean.

3. Elektronika -> Zirkuitu biak ondo bereiztuta egon behar dute:

a) Kontrol zirkuitua: Bere plakan elementu elektriko guztiak egoki soldatuta. (Errelea barne).

b) Potentzia zirkuitua: Motorea eta etengailu orokorrarekin osatuta egongo da.

4. Mekanika: -> Mugimenduaren transmisioa:

a) Eragile mekanikoak erabili behar dira baina ezin dira txirrikak erabili.

b) Mugitu behar den ardatza goitik behera egon behar du.

5. Funtzionamendua:

a) Etengailu orokorrarekin martxan ipintzeko baimena ematen da. Baina ez da martxan ipiniko.

b) Martxan ipintzeko sakagailu bati eragin behar izango zaio.

c) Orduan errelea aktibatuz motorea martxan ipini behar da. Abiadura egoki murriztu eta mugimenduari behar zaizkion eraldaketak eginez, goitik beherako ardatza mugiarazi behar dio.

d) Denbora tarte bat pasatuta bera bakarrik geldituko da. Martxan egongo den denbora tartea aldatu ahal izango da.

6. Proiektua eraikitzeko material desberdinak erabili behar dituzue, besteak beste: zura (aglomeratua, estrabea eta DMa), kartulinak, kortxoa, plastikoa, burdina, letoia eta aluminioa.

7. Borondatezkoa:

a) Apaingarriak.

8. Ebaluatzeko irizpideak:

a) Eraikitze baldintzen betetzea (1p).

b) Diseinua (orijinaltasuna) (1p).

c) Funtzionamendua. Fidagarritasuna (beti funtzionatzea) (4p).

d) Segurtasun arauak betetzea (0,5p).

e) Proiektuaren desmuntagarritasuna (1p).

f) Materialen erabilera (0,5p).

g) Akabera eta sendotasuna.

g.1. Plaka elementu elektronikoen soldaketa egokia (1p).

g.2. Kable eta elementu guztiak oso ondo finkatuta egotea (0,5p).

g.3. Ahoz behera jartzean ezer ez erortzeko moduan egotea (0,5p).

Lan proposamenak 3 DBH 1 eba

LAN PROPOSAMENA: JASOGAILU ELEKTRIKOA

Diseinatu eta egin ondorengo baldintza hauek beteko dituen sistema jasotzaile baten maketa:

1. Sistema gauza da objektuak altuera batera igotzeko.

2. Ezin duzu sokarik erabili.

3. Derrigorrez engranaje konikoak erabili behar dituzu.

4. Funtzionamendua:

a) Gurutze giltza batekin kontrolatuta egongo da. 3 posizio izango du:

a.1. Gorantz mugitu.

a.2. Geldirik egon.

a.3. Beherantz mugitu.

b) Kontrola taldeko batek egingo du.

c) Zati mugikorraren abiadura txikia izan behar du.

5. Proiektua eraikitzeko, edozein material erabil daiteke (zura, kartulinak, kortxoa, burdina, letoia, e.a.).

6. Ebaluatzeko irizpideak:

a) Eraikitze baldintzen betetzea (1p).

b) Funtzionamendua (5p). Kontutan hartuko dira bai diseinua bai zenbat pisu igotzeko gai den.

c) Segurtasun arauak betetzea (0,5p).

d) Proiektuaren desmuntagarritasuna (1p).

e) Material birziklatuen erabilera (0,5p).

f) Sendotasuna (1p).

g) Akabera (1p).

g.1. Ahoz behera jartzean ezer ez erortzeko moduan egotea.

g.2. Kable eta elementu guztiak oso ondo finkatuta egotea.

Lan proposamenak 2 dbh 2eb

LAN PROPOSAMENA: MOTOR ELEKTRIKOA ETA MEKANISMOAK

Lan proposamen honek bi atalez osatuta dago:
1) Diseinatu eta egin ondorengo baldintza hauek beteko dituen motor elektriko sinplea. Ez du indar handirik izango, indar hori areagotzeko aukera bi izango genituzke:
ü 15 edo 22,5V-eko tentsioak erabiltzea 4,5V-eko zenbait pila seriean loturik.
ü Espira(bira) askoko harilak erabiltzea.
Edozeinekin indar magnetiko handiagoak lortuko genituzke.
Pila pare bat besterik ez ditugu erabili nahi eta ez dugunez oso haril handia eraiki nahi, motorrak pisu gutxiago eta arinago bira egin dezan, ahalik eta gehien murriztu behar dugu marruskadura hurrengo tokietan:
ü ardatza eta euskarrien artean,
ü eskuilatxoak eta kolektoreen artean.
Betebeharreko baldintzak:
1. Gehienez, 9V-ekin funtzionatu behar du (4,5V-ekin badabil hobe).
2. Orekaz eta nahiko bizkor eman behar ditu birak.
3. Ahalik eta material gehien birziklatuko da.
2) Ondorengo mekanismoen artetik bi aukeratu eta erabili tailerreko motor elektrikoaren abiadura zirkular handia eraldatzeko.
i. Torloju eta kremailera (elementuak tailerrean daude).
ii. Espeka edo eszentrikoa (goitik behera egin beharko dituzue).
iii. Bira eta biradera (goitik behera egin beharko dituzue).
iv. Torloju amaigabea (elementuak tailerrean daude).
ü Aukeratutako mekanismoekin ezin baduzue lortu, ipin iezaiozue motorraren ordez biradera bat eskuz abiadura emateko.
Betebeharreko baldintzak:
1. Mekanismoen artetik bat, gutxienez, zuek goitik behera egindakoa izan behar da.
2. Etengabe martxan egon behar da, hau da, ez da trabatu behar.
3. Kontrolatzeko zuek egindako etengailua erabiliko duzue.

Lan proposamenak 1 dbh 1eb

Bi arrapala diseinatu eta eraiki, bertatik bola bat jausten uzteko; honako baldintza hauek bete behar dituzte:
1. Arrapala bakoitzaren luzera osoa gutxienez 20 cm-koa izan behar du.
2. Arrapaletako batean bolak denbora luzea beharko du bidea egiteko; bestean, berriz, oso denbora laburra.
3. Bolak ez du inoiz gelditu behar ibilbidean zehar.
4. Arrapala biak erraz gorde behar dira kutxa barruan.
5. Arrapala biak lotuko dituen dispositiboa eraiki. Kontutan hartu bigarren arrapalak ez duela bola askatuko, lehenengoaren bola beheraino iritsi arte. Berdin dio lehen arrapala motela zein bizkorra den.
6. Osagaiak lotzeko erabiliko dituzuen kolak: kola zuria, kola termo-fusiblea eta kola unibertsala.
7. Funtzionamendua: arrapala bateko goiko aldetik bola askatu eta gelditu barik arrapalatik beheraino joan behar du. Behera heltzerakoan dispositibo bati eraginda beste arrapalako goian dagoen bigarren bola bat askatuko du. Bigarren hau gelditu barik ere beheraino heldu behar da
8. Proiektua eraikitzeko, edozein material erabil daiteke (zura, kartulinak, kartoia, kortxoa, e.a.).

1. ikasgaia robotika II

Ea orain zer gertatzen den!!

Orain arte page-not-found-era bidali izan nau

1. ikasgaia robotika

aprobaaaaaaaaaaaaaaaaaaaaa
postak, idazteko tokiak dira.
hau post-a da!!!!

permalink
lotura iraunkorretik etorteko